Артикли

 

Во Неготино почна изградба на социјална зграда во која ќе можат да се вселат 62 семејства од социјално ранливите категории. Според Генералниот директор на АД за изградба и стопанисување со станбен и деловен простор од значење за Републиката Кристијан Трајковски, рокот за изградба е 18 месеци . „Можно е оваа зграда да биде завршена и пред утврдениот термин и сите оние лица кои имаат проблем во делот на станбеното прашање , а ги исполнуваат критериумите порано да добијат кров над глава’’, изјави Трајковски.Според него, следува интензивен период во делот на изградба на објекти од ваков тип.Во текот на август ќе почне изградба на згради за социјално ранливи категории граѓани во Виница, Свети Николе и скопската општина Бутел, а од ноември уште пет вакви објекти во Дебар, Велес, Гевгелија итн.

Министерот за транспорт и врски Горан Сугарески посочи дека Владата е силно фокусирана на реализирањето на целите кои треба да обезбедат решавање на станбеното прашање на социјално ранливите категории.„ Во наредниот период колку што можеме ќе обезбедиме покрив над глава на семејства од различни општини. Покрај тоа што заедно со јавните претпријатија го работиме во делот на патната, железничкат и комуналната инфраструктура, особено ни е важна и изградбата на социјални станови’’, рече Сугарески

Градоначачникот на Неготино нагласи дека во Неготино прв пат се гради социјална зграда.

 

Во Пробиштип почна изградбата на социјална зграда во која ќе можат да се вселат 48 семејства од социјално ранливите категории. Според Генералниот директор на АД за изградба и стопанисување со станбен и деловен простор од значење за Републиката Кристијан Трајковски,   очекувањата се дека објектот ќе биде готов за 18 месеци, а следнава година сите станови ќе бидат распределени. До крајот на годината планирано е отпочнување на изградба на уште 9 вакви објекти. „Очекувам наредната недела и во Неготино да ставиме камен темелник, потоа доаѓа зградата во Бутел која има 312 станови и плановите се и таа до крајот на месецов да почнеме да ја градиме. Заедно со министерот Сугарески работиме на изградба на 10 социјални згради и очекуваме роковите во договорите во целост да бидат испочитувани’’- изјави Трајковски.

Според министерот за транспорт и врски Сугарески, целта на политиките на оваа Влада е во делот на социјалата да се обезбеди покрив над глава на најсиромашните семејства. „ Сакам да потенцирам дека овие денови ги потпишав решенијата за определување на социјалните станови во Кочани. Оние што аплицираа претходно деновиве ќе ги добијат решенијата’’ рече Сугарески.

Новите згради за социјално ранливите категории граѓани ќе чинат 15 милиони евра, од кои зградата во Бутел ќе чини 7,5 милиони евра, а останатите чинат по околу еден милион евра.Генералниот директор на АДСДП најави дека за овие згради ќе има нов систем на распределување на становите кој треба да да биде усогласен од страна на Министерството за транспорт и врски и Министерството за труд и социјална политиа.

Според Трајковски, тоа ќе биде транспарентна постапка, за секој социјален случај согласно бодовите што ги стваруваат во делот на нивните примања, број на членови на семејство и истите ќе ги добиваат по електронски систем кој ќе биде реален.

Околу прашањето дали ќе се реши и проблемот со постојните социјални згради во земјава во кои има празни станови бидејќи корисниците заминале во странство, Трајковски одговори дека во тек е теренска проверка, а на оние што ги прекршиле условите ќе им бидат раскинати договорите и становите ќе бидат доделени на лица на кои што им се потребни.

Градоначалникот на Пробиштип Драган Анастасов посочи дека со оваа зграда ќе се реши станбеното прашање на примателите на социјална помош, на лицата со инвалидитет, лицата со посебни потреби како и на самохраните родители.

Иградбата на социјалните згради се реализира според проектот Ф/П1674

 

Со концертот на мега популарниот Здравко Чолиќ, Националната арена „Тоше Проески’’ ја продолжи серијата на врвни музички настапи од кои последниот беше на светската ѕвезда Стинг. Стадионот го исполнија повеќе од 30.000 посетители кои уживаа во спектаклот на музичката легенда која последен пат го наполни стадионот пред 10 години. Самиот Чолиќ на средба со новинарите изјави дека за него е голем предизвик да настапува на Националната арена „Тоше Проески’’. „ Навистина е голема возбуда да се биде на еден вака убав објект каде се чувствува посебна енергија ’’, рече Чолиќ. Менаџментот на АДСДП целосно одговори на барањата на организаторот во однос на задоволување на светските стандарди, а концертот уште покажа дека овој објект има неограничени можности за организирање настапи од различен карактер.

АДСДП доби одобрение за градба на станбен објект на ул. Гаврил Костантиновиќ бб – Реонски Центар Аеродром. Одобрението бр. 1 20 – 144 од 8.05. 2019 кое е правосилно на ден 24.05. 2109  издадено е од Општина Аеродром и е согласно важечките прописи на постоечкиот Детален урбанистички план ( донесен јуни 2009 год. со тех. Бр. 1474/06) . Овој објект ќе биде дел од низата околни објекти кои се претходно изградени од наша страна, а согласно сите законски прописи кои произлегуваат од Законот за градење.

Зградата ќе има 55 стана со површини од 37 м2 до 120 м2.Покрај сите заинтересирани граѓани, за становите можат да аплицираат и млади брачни парови и тоа преку проектот купи куќа- купи стан.

Националната арена „Тоше Проески’’   беше целосно подготвена за натпреварот меѓу македонската репрезентација и репрезентацијата на Полска , а со подеднакво високи професионални стандарди ќе биде пречекана и Австрија.Двата натпревари се во рамките на европските   кфалификации  за пласман на  ЕП  2020. Теренот за кој континуирано се грижи стручна служба е во одлична состојба, а задоволени се и сите  услови кои беа побарани од страна на  УЕФА  .Националната арена „Тоше Проески’’ е категоризиран како објект од четврта категорија, односно претставува еден од најелитните стадиони во регионот. На неговиот терен играа некои од најголемите  светски  фудбалски екипи, а во 2017 беше одржан СуперКуп  во фудбал помеѓу победниците во Лига на Шампиони и Лига Европа Реал Мадрид и Манчестер Јунајтед, кога Арената беше исполнета до последното место