Покани и известувања

Националната арена „Тоше Проески’’ одекнуваше од хитовите на Здравко Чолиќ

 

Со концертот на мега популарниот Здравко Чолиќ, Националната арена „Тоше Проески’’ ја продолжи серијата на врвни музички настапи од кои последниот беше на светската ѕвезда Стинг. Стадионот го исполнија повеќе од 30.000 посетители кои уживаа во спектаклот на музичката легенда која последен пат го наполни стадионот пред 10 години. Самиот Чолиќ на средба со новинарите изјави дека за него е голем предизвик да настапува на Националната арена „Тоше Проески’’. „ Навистина е голема возбуда да се биде на еден вака убав објект каде се чувствува посебна енергија ’’, рече Чолиќ. Менаџментот на АДСДП целосно одговори на барањата на организаторот во однос на задоволување на светските стандарди, а концертот уште покажа дека овој објект има неограничени можности за организирање настапи од различен карактер.

Инзвонредна фудбалска атмосфера на Националната арена „ Тоше Проески’’

Националната арена „Тоше Проески’’   беше целосно подготвена за натпреварот меѓу македонската репрезентација и репрезентацијата на Полска , а со подеднакво високи професионални стандарди ќе биде пречекана и Австрија.Двата натпревари се во рамките на европските   кфалификации  за пласман на  ЕП  2020. Теренот за кој континуирано се грижи стручна служба е во одлична состојба, а задоволени се и сите  услови кои беа побарани од страна на  УЕФА  .Националната арена „Тоше Проески’’ е категоризиран како објект од четврта категорија, односно претставува еден од најелитните стадиони во регионот. На неговиот терен играа некои од најголемите  светски  фудбалски екипи, а во 2017 беше одржан СуперКуп  во фудбал помеѓу победниците во Лига на Шампиони и Лига Европа Реал Мадрид и Манчестер Јунајтед, кога Арената беше исполнета до последното место

Спектакуларен концерт на Стинг на Националната арена „Тоше Проески’’

 

Националната арена „Тоше Проески’’ ја исполнија околу 25.000 посетители , со што овој музички настан се вбројува во досега најголемите во Република Северна Македонија кога се во прашање концертите на светски артисти кои што се со високо квалитатино ниво . Речиси целосно беа искористени капацитетите на Северната и Јужната трибина, а голем број од фановите на Стинг го следеа овој спектакуларен настап од теренот кој за оваа прилика беше заштитен со портафлор. Менаџментот на АДСДП максимално одговори на барањата на организаторот „Авалон продукција’’, како и на потребите на светската ѕвезда во однос на барањата за приклучоци за струја, озвучувања и светлосни ефекти, со што уште еднаш се потврдија неограничените можности на овој стадион за организирање настани од различен карактер. Пред Стинг, на некогашниот Градски стадион, сега „Тоше Проески’’ имаат настапено и светските музички ѕвезди Џејмс Браун, Сантана и Пинк како и глобално познатиот диџеј и продуцент Дејвид Гета. Концерти одржаа и Тоше Проески, Здравко Чолиќ, Жељко Јокисмовиќ кога имаше помеѓу 40.000 и 45.000 посетители.Националната арена „Тоше Проески’’ е најголем спортски објет во Република Северна Македонија со капацитет од 33.011 посетители. Со овој капацитет, Националната арена се вбројува во средно големи стадиони во Европа, додека на Балканскиот полуостров е еден од десетте најголеми стадиони.

Барање за јавно извинување заради искажани невистини

По објавувањето на фејсбук статус во кој Џеват Исени – претседател на Одборот на Директори на АДСДП, наведе невистини и тенденциозни обвинувања на сметка на мојата чест и углед, барам негово извинување и јавно повлекување на текстот и видеото. Статусот кој беше пренесен од неколку медиуми има единствена цел мое дискредитирање во вршењето функција Генерален директор на Акционерското друштво за изградба и стопанисување со станбен и со деловен простор од значење за Републиката.                                                                                                             

Од господинот Исени барам јавно да го објави извинувањето и да ги повлече текстот и видеото. Во спротивно, ќе бидам принуден против него да поведам граѓанска постапка за утврдување на одговорност за клевета, согласно одредбите на Законот за граѓанска одговорност за клевета и навреда.

 

 Генерален директор

 М-р Кристијан Трајковски

Помош за отплата на долг

АДСДП континуирано излегува во пресрет на сите кои имаат заостанат долг по три основи: Закупнина на деловен простор, станарина и ануитети од кредитни партии за продадени комерцијални станови. На сите овие лица Друштвото им овозможува отплата на долгот на рати. Бројот на одобрени рати зависи од износот на долгот.

Нашите служби се отворени за соработка и на сите лица кои досега не ја искористиле оваа можност нудиме решавање на статусот, можност за спогодба, продолжување на договорот, како и инфрмации за висината на долгот. Сите информации можете да ги добиете во просториите на АДСДП или на следните телефони: 02 2633 888; 02 633 927; 02 633 895.